ქუთაისში, მძიმე ავარიას ორი ადამიანი ემსხვერპლა - რა დეტალებია ცნობილი
ქუთაისში, ახალგაზრდობის გამზირზე მომხდარი ავტოსაგზაო შემთხვევის შედეგად ორი ადამიანი დაიღუპა.
“ინფო იმერეთს” ინფორმაციით, 2 მსუბუქი მანქანა გაჩერებულ სატვირთოს შეეჯახა, შედეგად მსუბუქი ავტომობილების მძღოლები დაიღუპნენ.
შემთხვევა გვიან ღამით მოხდა, ადგილზე მთელი ღამის განმავლობაში მუშაობდა პოლიცია, მიმდინარეობდა საგამოძიებო მოქმედებები.
მომხდარზე შინაგან საქმეთა სამინისტრომ გამოძიება დაიწყო.
