ქუთაისის საავადმყოფოში სასტიკად ნაცემი ქალი შეიყვანეს – ვრცელდება ინფორმაცია, რომ დანაშაული სასულიერო პირმა ჩაიდინა
ქუთაისის ერთ-ერთ საავადმყოფოში ქალი შეიყვანეს, რომელიც სასტიკად არის ნაცემი. ქალს დაზიანებები სახის, თავის, გულ-მკერდის არეში და კიდურებზე აღენიშნება.
“მთავარ არხს” წყარომ განუცხადა, რომ ფაქტი სასულიერო პირმა ჩაიდინა. შემთხვევა კი იმერეთის ორი მუნიციპალიტეტის დამაკავშირებელ გზაზე მოხდა.
“ჩვენთვის ცნობილია სამედიცინო დაწესებულება, შემთხვევის ადგილი, დაზარალებული ქალისა და სავარაუდო დამნაშავე სასულიერო პირის ვინაობა, თუმცა აღნიშნულ დეტალებს შეგნებულად არ ვასახელებთ”- აცხადებენ გამოცემაში.
