ქეთი ხატიაშვილისა და დავით კაჭარავას წყვილ - რა ქონებას ფლობს ყოფილი სპორტსმენი და როგორია მისი გზა პოლიტიკამდე
გუშინ, "უცხოური გავლენის გამჭვირვალობის შესახებ" კანონპროექტის წინააღმდეგ გამოსული ახალგაზრდების პროტესტზე ინციდენტი მოხდა. იმ დროს, როდესაც აქტივისტები მსვლელობით ევროკავშირის საელჩოსკენ მიდიოდნენ, გზად დეპუტატი დავით კაჭარავა შეხვდათ, რომელიც ავტომობილით გადაადგილდებოდა. ის ერთ-ერთია იმ 83 დეპუტატიდან, რომელმაც პირველი მოსმენით კანონს ხმა მისცა.
როგორ მოხვდა სპორტსმენი პოლიტიკაში, როგორია მისი ქონებრივი დეკლარაცია და პირადი ცხოვრება, ქვევით მოგიყვებით. კაჭარავა ერთ-ერთია იმ პოლიტიკოსებს შორის, რომლითაც ხშირად ინტერესდება ქართული მედია, უფრო მეტად პირადი ცხოვრების და არა, პოლიტიკური მოღვაწეობის გამო.
სპორტიდან პოლიტიკაში
მორაგბე დავით კაჭარავა სპორტიდან პოლიტიკაში კიდევ ერთ სპორტსმენ, კალათბურთელ ვიქტორ სანიკიძესთან ერთად მოხვდა. "ქართულმა ოცნებამ“ ეს ორი სპორტსმენი 2020 წლის საპარლამენტო არჩევნებზე, საარჩევნო სიის პირველ ოცეულში შეიყვანა.