„ათი სახლი გაქურდეს, ორი ადამიანი დაშავდა“ – სულხან საბას ქუჩაზე სარეაბილიტაციო სამუშაოებმა მოსახლეობას პრობლემები შეუქმნა
„ათი სახლი გაქურდეს, ორი ადამიანი დაშავდა“ – სულხან საბას ქუჩაზე სარეაბილიტაციო სამუშაოებმა მოსახლეობას პრობლემები შეუქმნა
სულხან-საბას ქუჩაზე დაწყებულმა სარეაბილიტაციო სამუშაოებმა ადგილობრივ მოსახლეობას პრობლემები შეუქმნა. მოქალაქეების ინფორმაციით, სამუშაოები წინასწარი გაფრთხილების გარეშე დაიწყო, რის გამოც მათ გარკვეული პერიოდის განმავლობაში ელექტროენერგიისა და წყალმომარაგების გარეშე მოუწიათ ყოფნა. ინფორმაციას “ტვ პირველი” ავრცელებს.
ოფიციალური ინფორმაციით, სამუშაოები წყალმომარაგების ქსელისა და მილების რეაბილიტაციას უკავშირდება. ამ დროისთვის ქუჩაზე აყრილია ასფალტის საფარი, რაც გადაადგილებას ართულებს.
ადგილობრივები ასევე აცხადებენ, რომ სამუშაოების ზონაში უსაფრთხოების ზომები არასაკმარისად არის დაცული. მათი თქმით, უკვე დაფიქსირდა რამდენიმე შემთხვევა, რის შედეგადაც ორი ადამიანი დაშავდა.
მოსახლეობის ინფორმაციით, ბოლო დღეებში უბანში ქურდობის შემთხვევებიც გაიზარდა და ბოლო სამი დღის განმავლობაში ათამდე საცხოვრებელი სახლის გაქურდვის ფაქტი დაფიქსირდა.
“ქალი წაიქცა უშუქობაში და სახე აქვს გადალეწილი საერთოდ. ეგ ერთი, ანუ უსაფრთხოება და მეორე ის, რომ გუშინწინ ღამე ათ სახლში შევიდნენ და გაიქურდა. რა თქმა უნდა, ახლა ჩვენ, მოსახლეობა, პასუხისმგებლობას ამაზე ვაკისრებთ როგორც თელასს, ასევე ფონდს და მუნიციპალიტეტს. 2 წლიან გარანტიას იძლევიან და ესე იგი, ამ 200 წლოვან სახლებს თუ შეეხებიან, 2 წელიწადში შეიძლება, თავზე ჩამოგვექცეს” – ამბობს ადგილობრივი მცხოვრები.
მოქალაქეები მერიის წარმომადგენლებთან შეხვერას და რეაბილიტაციის სასწრაფიდ დასრულებას ითხოვენ.
