საქართველოში მიწისძვრა მოხდა – სად იყო ეპიცენტრი?

საქართველოში, 23 ივნისს, დილის 08:07 საათზე, რაჭის რეგიონში 4.3 მაგნიტუდის მიწისძვრა დაფიქსირდა.

დედამიწის შემსწავლელ მეცნიერებათა ინსტიტუტისა და სეისმური მონიტორინგის ეროვნული ცენტრის ინფორმაციით, მიწისძვრის ეპიცენტრი ამბროლაურიდან დასავლეთით 6–7 კილომეტრში, სოფელ ხონჭიორთან მდებარეობდა. მიწისქვეშა ბიძგების კერა 17 კილომეტრის სიღრმეზე დაფიქსირდა.

ცენტრის პირველადი შეფასებით, მიწისძვრის სიმძლავრე 4.4 მაგნიტუდას შეადგენდა, თუმცა დაზუსტებული მონაცემებით, მისი სიმძლავრე 4.3 მაგნიტუდაა.