“არ ვიცი, რა ჯანდაბა დაემართა პუტინს, აბსოლუტურად გაგიჟდა! არ მომწონს ის, რასაც პუტინი აკეთებს“ - დონალდ ტრამპი
აშშ-ის პრეზიდენტის, დონალდ ტრამპის განცხადებით, რუსეთის პრეზიდენტ ვლადიმერ პუტინით უკმაყოფილოა. ინფორმაციას Sky News-ი ავრცელებს.
ტრამპის თქმით, კრემლის ხელმძღვანელს დიდი ხანია იცნობს, მაგრამ ახლა მას „რაღაც დაემართა“.
„არ ვიცი, რა ჯანდაბა დაემართა პუტინს, მე მას დიდი ხანია ვიცნობ. ყოველთვის კარგად ვუგებდი. მაგრამ ის ქალაქებში რაკეტებს აგზავნის და ხალხს კლავს და ეს არ მომწონს. არ მომწონს ის, რასაც პუტინი აკეთებს. ოდნავადაც კი არა. ის ხალხს კლავს. ამ კაცს რაღაც დაემართა და ეს არ მომწონს“, - აღნიშნა ტრამპმა.
- მისი თქმით, რუსეთისთვის სანქციების დაწესებას „აბსოლუტურად“ განიხილავს. მოგვიანებით, დონალდ ტრამპმა სოციალურ ქსელში დაწერა, რომ პუტინი აბსოლუტურად გაგიჟდა.
„ყოველთვის ძალიან კარგი ურთიერთობა მქონდა რუსეთის პრეზიდენტ ვლადიმერ პუტინთან, მაგრამ მას რაღაც დაემართა. ის აბსოლუტურად გაგიჟდა! ის კლავს უამრავ ადამიანს და მე მხოლოდ ჯარისკაცებზე არ ვსაუბრობ. უკრაინის ქალაქებს, ყოველგვარი მიზეზის გარეშე, რაკეტებსა და დრონები ესვრიან“, - აღნიშნა ტრამპმა.
მისი თქმით, პუტინს სურს არა მხოლოდ უკრაინის ნაწილი, არამედ მთელი ქვეყანა.
„ყოველთვის ვამბობდი, რომ მას მთელი უკრაინა სურს და არა მხოლოდ მისი ნაწილი და შესაძლოა ეს სწორი აღმოჩნდეს, მაგრამ თუ ასე მოიქცევა, ეს რუსეთის დაცემამდე მივა! ანალოგიურად, პრეზიდენტი ზელენსკის არანაირი სარგებელი არ მოაქვს თავისი ქვეყნისთვის ასე საუბრით. ყველაფერი, რაც მის პირიდან ამოდის, პრობლემებს ქმნის, ეს არ მომწონს და ჯობია შეწყდეს. ეს არის ომი, რომელიც არასდროს დაიწყებოდა, მე რომ პრეზიდენტი ვყოფილიყავი. ეს არის ზელენსკის, პუტინის და ბაიდენის ომი და არა „ტრამპის“, მე მხოლოდ ხელს ვუწყობ დიდი და საშინელი ცეცხლის ჩაქრობას, რომელიც არაკომპეტენტურობითა და სიძულვილით დაიწყო“, - დაწერა ტრამპმა.
წყარო: ambebi.ge
