"მეჩხუბე, პატარა, გამხდარო ბიჭო! მშიშარა ხარ, რადგან ის გამოიწვიე, ვინც შენთან არასდროს იჩხუბებს" - განაწყენებული მერაბ დვალიშვილი და მიმართვა შონ ო'მალის
UFC 299-ზე სუპერ მსუბუქი წონის ჩემპიონმა შონ ო'მალიმ საჩემპიონო ქამარი დაიცვა - მან მარლონ "ჩიტო" ვერა დაამარცხა. გამარჯვების შემდეგ კი თქვა, რომ ილია თოფურიასთან ბრძოლა სურს და ამისთვის, UFC-ის ხელმძღვანელს, დანა ვაითს მიმართა და უთხრა, რომ "ესპანეთში წასასვლელად თვითმფრინავი გაამზადოს".
- ცნობისთვის, შონ ო'მალისთან ბრძოლა სურს მერაბ დვალიშვილს და სავარაუდოდ, მერაბის შემდეგი ბრძოლა სწორედ შონთან დაპირისპირება იქნება. თუმცა ოფიციალურად გარკვეული ჯერ არაფერია. დვალიშვილი ო'მალის ბროლას დარბაზიდან ადევნებდა თვალს, ხოლო დასრულების შემდეგ UFC-მ მისი კომენტარი გაავრცელა.
"ისევ არ გამომიწვია - მე პირველი კონტენდერი ვარ. მეჩხუბე, პატარა გამხდარო ბიჭო! მშიშარა ხარ, რადგან ის გამოიწვიე ბრძოლაში, ვინც შენთან არასდროს იჩხუბებს", - თქვა მერაბ დვალიშვილმა, რომელიც საკმაოდ განაწყენებული ჩანდა.