"იმედები ვერ გავამართლეთ" - რატომ დატოვა შოთა არველაძემ "კარაგუმრუკის" მწვრთნელის პოსტი
თურქეთის სუპერლიგის 29-ე ტურში, სტუმრად "ტრაბზოსპორთან" 1:5 დამარცხების შემდეგ "ფატიჰ კარაგუმრუკის" მწვრთნელი, შოთა არველაძე გადადგა.
"მე გუნდისგან მეტს ველოდი. სამწუხაროდ, იმედები ვერ გავამართლეთ. ეს კლუბი მიყვარს, ძალიან დიდ პატივს ვცემ მის პრეზიდენტს, მაგრამ ამ წაგების შემდეგ პოსტს ვტოვებ.
სიტუაციის შესაცვლელად გუნდში სხვა ატმოსფეროა საჭირო. დარჩენილ 9 მატჩში გუნდს მძიმე შეხვედრები ელის. ბოდიში, თუმცა მე ეს უნდა გამეკეთებინა", - განაცხადა შოთა არველაძემ.
შოთამ "ფატიჰ კარაგუმრუკი" 23 დეკემბერს ჩაიბარა, მისი ხელმძღვანელობით გუნდმა 14 მატჩიდან 3 მოიგო, 3 ფრედ დაასრულა, 8 წააგო, 29 ქულით მე-17 ადგილზეა და თასის ნახევარფინალში გავიდა.
